பாஜக தேசிய செயற்குழு உறுப்பினர் எச் ராஜா, திமுக தலைமை அலுவலகம் சென்று திமுக தலைவர் ஸ்டாலினை நேரில் சந்தித்து பொன்னாடை போர்த்திக் கைகுலுக்கினார்... அரசியலில் எதிர்க் கருத்துக்களைக் கொண்ட இருதலைவர்கள் சந்தித்தது, அரசியல் வட்டாரத்தில் ஆச்சரியத்தை ஏற்படுத்தியுள்ளது.
பாஜக திமுக என்றாலே எலியும் பூனையுமான கதைதான். சமீப நாட்களில்கூட, பெரியாரியவாதி காரப்பன் விவகாரம் தொடங்கி, பாமக நிறுவனர் ராமதாஸ் தொடங்கி வைத்த பஞ்சமி நில விவகாரம் என ட்விட்டரில் காரசார விவாதங்கள் நடந்த
பாஜக, திமுக என்றாலே அதிரடி கருத்துகள்தான் நம் நினைவுக்கு வரும் இந்த சூழலில், தனது வீடு திருமண விழாவுக்கு எச் ராஜா, திமுக தலைவர் ஸ்டாலினை அழைத்துள்ளது ஆச்சரியத்தை ஏற்படுத்தியுள்ளது.
அதே நேரத்தில் எச் ராஜா வருகையால், அண்ணா அறிவாலயத்திலிருந்த உடன் பிறப்புகள் ஆத்திரமடைந்ததாகக் கூறப்படுகிறது.
அதே நேரத்தில் தூத்துக்குடி திமுக எம்பி கனிமொழி, நேற்று தூத்துக்குடியில் உள்ள ஒரு கிராமத்தை சேர்ந்த மீனவர்கள் பத்திரமாக ஊர் திரும்பிவிட்டனர் என்பதை குறிப்பிட்டு உள்துறை அமைச்சருக்கு நன்றி தெரிவித்து ட்விட் ஒன்றை பதிவிட்டிருந்தார்.
இந்த நிகழ்வுகள் அரசியல் களத்தில் பெரும்பாலானோர் கவனத்தை ஈர்த்து வருகிறது.
